Lupusarekin batera bizi diren senide, lagun eta gaixoek osatzen dute Lupusa pairatzen duten gaixoen Arabako elkartea.

Gure zereginen artean gaixotasunaren berri ematea eta ezagutaraztea dago, azken aurrerapen medikuak jakitea eta erakundeen aldetik laguntza jasotzea, baina gure helburu nagusia osasuna suspertzea da.

Askotan osasuna erlazionatzen dugu gaixotasun ezarekin, baina osasuna da pertsonek egoera fisiko, psikiko eta sozial ona izatea eta, zoritxarrez, ondo dakigu LES-ek duen eragina gaixoaren alderdi psikologiko eta sozialean baita bere inguruan ere; izan ere, askotan honako sentimenduak sortzen dira: segurtasun eza, zalantza, beldurra, bakardadea, familiarekiko eta lagunekiko komunikazio falta, etab. Gure esku dago gure osasuna hobetzea teknika eta trebetasun batzuk erabiliz. Horrela, gaixoei eta euren familiakoei egunerokoan lagunduko diegu elkarri hobeto ulertzen, komunikazio eta enpatia hobeak baita talde osoaren hazkunde pertsonala lortzen ere. Horiek guztiek eragina positiboa izango dute gure gaixotasunaren garapenean, gure osasuna hobea izango da eta bizi-kalitate hobea izango dugu.

EZ UTZI LUPUSARI ZURE HEGOAK MOZTEN!!

Este contenido también está disponible en: Castellano